Somos un grupo de veciños de Melide, afeccionados á tecnoloxía e que decidimos xuntarnos para realizar actividades a prol da difusión do Software Libre.
Os obxectivos da Asociación son:
- Promocionar e divulgar o concepto de Software Libre e fomentar o seu uso
- Fomentar e apoiar os proxectos de Software Libre, especialmente aqueles desenrolados polos seus membros.
- Impulsar e respaldar as iniciativas de Software Libre
- Adaptación do Software Libre á lingua galega.
- Promover o emprego de estándares abertos na sociedade da información e no ámbito tecnolóxico.
- Formación das novas tecnoloxías no eido do Software Libre nos diferentes ámbitos (educativo, empresarial,…)